IRLANDO
Paca lingvo
Ekde la konfliktoj en Kongo dum la
60aj kaj 70aj jaroj soldatoj de la
irlanda armeo, kune kun soldatoj el aliaj
landoj, deĵoras kun
pactaĉmentoj de Unuiĝintaj Nacioj (UN) en
diversaj regionoj de la mondo.
Notinde multaj estis mortigitaj kaj
vunditaj.
Unu el tiuj malpacemaj regionoj situas apud
la landlimo inter suda Libano
kaj norda Israelo. En ĵusa pafado inter
anoj de la organizaĵo Hizbullah
kaj tiuj de Sudlibana Armeo (SLA), apogata de la
israelanoj, tri bombokanonaj
ĵetiloj lanĉitaj de SLA-militistoj trafis
irlandarmean UN-postenon. Unu
soldato, Vilhelmo Kedian [kedĵan], estis
mortigita, kaj alia, Ronnie Rush
[roni roŝ], grave vundita. Tria soldato
estis supraĵe vundita.
La irlanda registaro protestis al la israela
registaro pri la atako.
Kedian estas la tria ano de la irlanda Unua
Bataliono, kiu oferis sian vivon por paco en
suda Libano.
Unikaĵo
La Unua Bataliono (irlandlingve: An
Céad Cath [an kejd kah]),
fondita antaŭ 75 jaroj, estas unikaĵo. La
kutima laborlingvo de la
irlanda armeo estas la angla, la lingvo de
la plimulto da hodiaŭaj
irlandanoj kaj la plej uzata en instancoj de
UN. La soldatoj de la Unua
Bataliono, tamen, devenintaj el
irlandlingvaj regionoj, estas denaskaj
parolantoj de la irlanda (gaela) lingvo. Do
la bataliona lingvo ĉiel
uzata, ekz. en trejnado, administrado kaj
soldatado estas la gaela,
antikva kelta idiomo parolata en Irlando kaj
(en alia varianto) en norda
Skotlando.
La fakto, ke la gaela estas malpli
disvastigita lingvo, montras sin tre
utila, ekzemple, kiam anoj de la
pactaĉmento devas radie aŭ telefone
sekrete komuniki.
IRL
Indekso
Lasta adapto de tiu ĉi paĝo: 2 julio 1999