IRLANDO
Astronomia festivalo
La mez-irlanda graflando Offaly
[ófali] (gaele Uíbh Fháilí)
estas fama en la historio de astronomio.
En la 19a jarcento tie estis konstruita
“la astronomia levjatano”, tiam la plej
granda teleskopo en la mondo (vidu
raporton en MONATO 6/1998, p. 14).
Grafo Rosse, la konstruinto, malkovris
per ĝi la spiralan galaksion Kirlakvo.
Alia fama astronomo, Joly [ĝoli],
naskiĝis en la sama graflando, en la
urbo Tullamore [tulamór] (gaele Tulach
Mhór).
La astronomian tradicion daŭrigas la
Tulamora Astronomia Societo, kiu en 1999,
de la 19a ĝis la 21a de marto, okazigos
astronomian festivalon “Kosmos”, en la
rajda kaj gasteja centro Annaharvey
[anaharve] apud Tullamore, kie
partoprenantoj povos ĝui ne nur la
astronomian eventon sed ankaŭ rajdadon.
Prelegos sep fakuloj pri astronomio kaj
scienco, kaj estos ekspozicio kaj
distraĵoj.
IRL
Indekso
Lasta adapto de tiu ĉi paĝo: 8 julio 1999