Plej granda laborista akcidento

Kiam mi komencis prepari artikolon pri la plej granda media katastrofo de Brazilo kaŭzita de homoj en 2015 en la urbo Mariana, alia simila katastrofo okazis. Ĉi-lasta en Brumadinho en la sama ŝtato. Ambaŭ katastrofoj estis la sekvo de rompo de baraĵo retenanta toksan restaĵon de la minentrepreno Vale.

En Mariana 19 homoj mortis kaj tuta rivero estis preskaŭ detruita, kio nocis 230 urbojn kaj 80 vivaĵajn speciojn. Sciencistoj prognozas, ke la rubo, kiu atingis la maron, estos eliminita nur post 100 jaroj.

Ni ankoraŭ ne scias la mediajn damaĝojn en Brumadinho, sed ĝi jam estas la plej granda laborista akcidento en la historio de Brazilo. Ĝis nun 121 korpoj jam estis trovitaj kaj 205 estas mankantaj, el kiuj iuj eble por ĉiam.

Sidney Carlos PRAXEDES
Brazilo

Tiu ĉi teksto aperis en la presita kaj en la PDF-forma versioj de Monato en la jarkolekto 2019, numero 04, p. 5.

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Sidney Carlos Praxedes el MONATO (www.monato.be).

Lasta adapto de tiu ĉi paĝo: 2020-07-07