Leteroj

Ĉu bona seksa konduto?

Min ĉagrenis la teksto de István Ertl (MONATO 2003/3, p. 14) pri la ŝanĝo en la leĝaj reguloj pri samseksa seksumado en Hungario. Laŭleĝa ekpermeso seksumi kun pli junaj ne-plenaĝuloj, eĉ proksimaj al infaneco, sen jura takso de tio kiel formo de perforto, estas grava malprogreso pri la respektado kaj protektado, kiujn tiuj rajtas pro sia homeco kaj speciale pro sia ega juneco. En Francio seksumado kun infano estas, prave, jure taksata kiel perforto ankaŭ tiam, kiam la infano ŝajnis konsenti.